Sakdiah - Masa
Masa…ku ingêti lêpas…
Wôi masa ku kênang
Masa aku kêkucak dêle paong bêrcêrak
Bêrpëntër gêgasak galak sabe bêrdêdiang
Mêrôn-êrôn muniri kêtebông waeh bêrnyanyi
Têdôh kuên ku kiri tingkah limê jêjari
Ara nawe ku têpi
Hëk hëk mari pêcêngang
Nëngon paong gurê di
I tabôn diri ku bêrawang
Masa lêpas si gati nô wen i kênang
Kini pantas bêrsêni êngingku sayang
Masa lêpas si gati nô wen i kênang
Kini pantas bêrsêni êngingku sayang
Gêrê osop ari mata tiak ni lêlayang kare
Bêruki sêsampe talie bêrkêlas bênang
Wô kuyu alôs eyôp kô mi lêlayang kuên ku kiri
Sô êmôn ijô pênampi ku ônôr têreh kô tali
Lêlayang osop ari mata
Aku pe nyanya mupêtimang
Kêdôt lôdeng urên i Toa
Bênang kaca taer ku pêmpang
Masa lêpas si gati nô wen i kênang
Kini pantas bêrsêni êngingku sayang
Masa lêpas si gati nô wen i kênang
Kini pantas bêrsêni êngingku sayang
Penyanyi/Vocal: Sakdiah
Pencipta/Cipt : Uriya Winar
Pencipta/Cipt : Uriya Winar
0 komentar:
Posting Komentar